Kërkoj strehë tek All-llahu prej djallit të mallkuar
Në emër të All-llahut, të Gjithmëshirshmit, Mëshirëplotit

Falënderimi i takon All-llahut, i Cili robit të Vet ia zbriti Kur’anin, që të jetë vërejtje për të gjitha botërat! O Zot! Bëre që Kur’ani të na jetë shok në këtë botë, shoqërues në varr, ndërmjetësues në botën tjetër, dritë në rrugë dhe udhërrëfyes në çdo të mirë! O Zot, shpërblimin e asaj që e lexuam dhuroja shpirtit të zotëriut tonë Muhammedit a.s., familjes dhe shokëve të tij, shpirtërave të baballarëve tanë, nënave tona, motrave tona, vëllezërve tanë, fëmijëve tanë, farefisit tonë, miqve tanë, mësuesve tanë dhe shpirtrave të gjithë besimtarëve e besimtarëve, të gjallë qofshin apo të vdekur! Na fal neve, o Fisnik! Pranoje lutjen tonë me mëshirën Tënde, o Mëshirues i mëshiruesve! Amin! El-Fatihah!