Të dielën, me 30 qershor 2013, pas faljes së namazit të drekës në xhaminë tonë El-Hidaje, St. Gallen, u mbajt ceremonia e duasë së hatmes të pesëmbëdhjetë nxënësve të Mektebit të xhamisë. Në këtë solemnitet morrën pjesë një numër i madh xhematlinjsh, burra dhe gra, familjarë dhe farefis, sikur që ishin të pranishëm edhe hoxhallarë dhe kryesi të xhamive përreth.
Ceremoninë e hapi imami dhe mualimi i xhamisë, Hfz. Mehas Alija, i cili, pos që falënderoi të pranishmit, bëri edhe prezantimin e nxënësve të Hatmes. Ai, gjithashtu, theksoi rëndësinë e mësim-besimit në Mekteb, ku xhaminë dhe mekbetin e ndërlidhi me fatin e brezit të ri muslimanë në qytetin e St. Galles.
Ceremonia u begatua edhe me programin e nxënësve, të cilin me prezantimet e tyre ngazëllyen dhe kënaqën të pranishmit, një pjesë e madhe e të cilëve ishin të rinj.
Në këtë solemnitet, gjithashtu, morën pjesë edhe imami i xhamisë së turqve në St. Gallen, z. Engin ef. Hoxha, imami i xhamisë së Salmsachit, Taxhedin ef. Misimi, imami i xhamisë së Wilit, Mr. Bekim ef. Alimi, Nagim ef. Mustafoski, Sadri ef. Iljazi, si dhe imami i xhamisë së Kreuzlingenit, Mr. Rejhan ef. Neziri, i cili, po ashtu, në cilësinë e Kryetarit të Unionit të Imamëve, përshëndeti në emër të të gjithë imamëve aktivitetin me rastin e hatmes në xhaminë tonë. Imamët mysafirë, gjithashtu, patën rast për t’i përshëndetur talebet dhe xhematin në përgjithësi.
Para shpërndarjes së diplomave dhe dhuratave ndaj talebeve të hatmes, kryetari i xhamisë, z. Qemal Rushiti, shprehi falënderimet ndaj të gjithë atyre të cilët kontribuan në organizimin e aktivitetit në fjalë, ku dhe shprehi mirënjohje ndaj imamit dhe prindërve të cilët, siç u shpreh ai, nuk kanë kursyer kohën dhe mundin e tyre për të ardhur deri në një organizim të tillë.
Në shpërndarjen e diplomave dhe dhuratave, kryetari z. Qemal Rushiti, u ndihmua edhe nga sekretari i xhamisë, h. Bekim Berisha.
Nxënësit që patën mbaruar hatmen ishin:
- Abida Berisha
- Adile Jakupi
- Amine Jakupi
- Amira Amza
- Esma Berisha
- Fatime Bexheti
- Hadi Amza
- Hanife Amza
- Ibrahim Bajrami
- Mirjeta Shabani
- Saime Selimi
- Samire Bexheti
- Sara Selimi
- Valdete Bajrami
- Xhenis Elshani
Në fund u shtrua edhe gostia e drekës, të cilën e kishin përgatitur familjarë të talebeve të hatmes.
(El-Hidaje)