Bashkësia Islame El-Hidaje, së bashku me Këshillin organizativ të futbollit, me rastin e përmbylljes së sezonit dimëror të futbollit në sallë, me datë 27. 04.2013, organizoi një takim dhe darkë solemne.
Në një atmosferë shumë vëllazërore dhe rinore, ky takim pati edhe karakterin e tij edukues dhe udhëzues.
Pas shtrimit të darkës, u këndua pjesë nga Kur’ani dhe e ilahive. Mën fund, imami i xhamisë, duke i falëndëruar pjesëmarrësit dhe organizatorët e këtij evenimenti, porositi të rinjtë të jenë më të kujdesur sa i përket përgjegjësisë se tyre në kultivimin e vlerave dhe standardeve morale, shoqërore dhe fetare.
“Pa një rini të shëndosh dhe ambicioze, nuk do të dallohemi si një shoqëri e ngritur dhe qytetëruar. Kjo është kështu, pasi që rinia e përfaqëson të ardhmen”, u shpreh ndër të tjera imami i xhamisë, Mehas ef. Alija.
Gjithashtu, pjesëmarrësit i përshëndeti edhe njëri nga organizatorët e takimeve fudbollistike, Ragip Morina, i cili falënderoi kryesinë e xhamisë për mbështetjen e dhënë në organizime të tilla, si dhe pjesëmarrësit e fudbollit.
Takimi zgjati dy orë e gjysmë dhe përfundoi me faljen e namazit të akshamit.
“Zoti ynë qoftë i kënaqur me rininë tonë dhe i forcoftë çdo ditë e më shumë”.
(El-Hidaje)