Të nderuar anëtarë të xhamisë El-Hidaje,
Në mbledhjen e fundit të kryesisë së Bashkësisë Islame El-Hidaje, me datë 06.01.2013, është vendosur që Kuvendi i saj i 23-të të mbahet me sa vijon:
E diel, 24 shkurt 2013, pas namazit të drekës, në mesxhidin e xhamisë El-Hidaje.
Lusim Allahun xh. sh. që ftesa jonë për të marrë pjesë në Kuvendin e 23-të t’ju gjejë shëndosh e mirë juve dhe familjen tuaj.
Kuvendi do të zhvillohet me këtë rend pune:
– Lexim nga Kur’ani nga imami hfz. Mehas Alija;
– Hapja e Kuvendit të 23-të nga kryetari i Bashkësisë Islame El-Hidaje;
– Raporti vjetor për mësim-besimin nga imami hfz. Mehas Alija, diskutime;
– Raporti vjetor 2012, diskutime rreth raportit;
– Raporti mbi kontabilitetin vjetor (buxheti 2012);
– Raporti verifikues i revizoristëve për kontabilitetin vjetor;
– Diskutime dhe miratimi i buxhetit dhe kontabilitetit nga kuvendarët;
– Zgjedhja e kryetarit, anëtrëve të këshillit dhe revizoristëve të rinjë të Bashkësisë Islame El-Hidaje;
– Agjenda e aktiviteteve në vitin 2013;
– Të ndryshme (pyetje, ide, sugjerime dhe propozime, p.sh. si të organizohet më mirë mirëmbajtja e duhur e xhamisë, kafeteria, etj.)
Ua rikujtojmë se Kuvendi është organi më i lartë i Bashkësisë Islame El-Hidaje, në të cilin raportohet për punën njëvjeçare, për të hyrat dhe për shpenzimet gjatë një viti, për aktivitetet nga Kuvendi në Kuvend dhe shqyrtohen e miratohen raportet e ofruara dhe planet për vitin e ardhshëm. Kuvendi, pra, është vendi ku raportohet, diskutohet e merren vendime valide, të cilat respektohen e përfillen nga e gjithë anëtarësia e Bashkësisë.
Meqë pjesëmarrja juaj në Kuvend është e drejtë dhe mundësi e mirë për të kontribuar në mbarëvajtjen e tij, shpresojmë se ju do të gjeni kohë për të marrë pjesë, e për ta dhënë kontributin tuaj individual e kolektiv në favor të Bashkësisë Islame El-Hidaje.
Pjesëmarrja juaj do të na gëzojë!
Ves-Selamun Alejkum
Kryesia e Bashkësisë Islame El-Hidaje